ԱՄՆ-ում բնակվող երգչուհի Շպռոտն ինստագրամյան իր էջում արխիվային լուսանկարներ է հրապարակել ՀՀ վաստակավոր արտիստ, երգիչ Հայկոյի, Վարդուհի Վարդանյանի և Սիրուշոյի հետ:
Երգչուհու խոսքով՝ ինքն այդ նկարները գտել է մայրիկի ալբոմից:
Հիշեցնենք, որ Հայկոյի մահից հետո Շպռոտը հայտնվել էր քննադատությունների կիզակետում՝ երգչի մահից մի քանի օր անց սոցցանցերի իր էջերում ակտիվություն պահպանելու պատճառով:
Երգչուհուն այս փաստը բարկացրել էր և նա տեսաուղերձով էր հանդես եկել՝ պատասխանլով իրեն քննադատող օգտատերերին:
«Ինձ չսովորեցնեք` ես քանի օր սգամ, քանի ժամ, քանի րոպե … գնացեք ձեր էրեխեքին սովորեցրեք սգալ, դա ձեր մոտ լավ է ստացվում: Ինձ չսովորեցնեք` ես ոնց ցավամ»,- նշել էր երգչուհին:
Նա նաև խնդրել է երկրպագուներին իր մահվան դեպքում չսգալ:
«Ես ուրիշ հայացքներ ունեմ, ինձ համար մահը միանալ է Աստծուն»,- ընդգծել էր Շպռոտը:
