Դոնեցկի ու Լուգանսկի անկախության ճանաչումը միջազգային տարբեր միավորների կողմից տարբեր կերպ են ընդունվել. Արեւմուտքն ու ԱՄՆ-ն քննադատել են ու արդեն հայտարարել Ռուսաստանի նկատմամբ պատժամիջոցների մասին, որոշներն էլ հայտարարել են անկախությունը եւս ճանաչելու պատրաստակամության մասին։
Իսկ ինչ են մտածում մեր համաքաղաքացիները՝ Հայաստանը պետք է եւս ճանաչի Լուգանսկի ու Դոնեցկի անկախությունը, թե ոչ. «Փաստինֆո»-ի հարցախույզի արդյունքները փաստում են, որ մեր համաքաղաքացիները զուգահեռներ են անցկացնում Լուգանսկի, Դոնեցկի ու Արցախի միջեւ։
«Եթե Ռուսաստանը ընդունի, որ Ադրբեջան գոյություն չունի, այն ժամանակ էլ մենք կընդունենք Դոնեցկը»,- ասաց քաղաքացիներից մեկը, իսկ մեկ ուրիշը նկատեց, որ Հայաստանը պետք է ճանաչի ինչպես Դոնեցկի ու Լուգանսկի, այնպես էլ Արցախի անկախությունը։
Մեր հարցվածներից միայն մեկն էր կարծում, որ Հայաստանը դեռեւս պետք է չեզոք մնա։
«Փոքր երկիր ենք, այդպիսի լուրջ հարցերի դեռ պետք չէ միանգամից անդրադառնալ»,- նշեց քաղաքացին։
