SHAMSHYAN.com-ի տեղեկություններով, Հայաստանի քննչական կոմիտեի Կոտայքի մարզային քննչական վարչությունում նյութեր են նախապատրաստվում հունվարի 27-ին Կոտայքի մարզում տեղի ունեցած ինքնասպանության փաստով:
Այդ օրը՝ կեսօրին մոտ, Կոտայքի մարզի բնակիչ Հովիկ Հայրապետյանը ահազանգել է ոստիկանության Հրազդանի բաժին և հայտնել, որ իրենց տանը կախվելու միջոցով ինքնասպանություն է գործել ժամանակավորապես Ծաղկաձորում բնակվող, 47-ամյա Եվգենի Ա.-ն:
Կայքի տեղեկություններով, ոստիկանություն ահազանգած Հ. Հայրապետյանը «Մեղրաձոր Գոլդ» ֆաբրիկայի փոխտնօրենն է, իսկ մահացած Եվգենի Ա.-ն նշված ֆաբրիկայում աշխատում էր որպես տեխնոլոգ:
Կայքը հայտնում է նաև, որ մահացածը տարիներ առաջ կասկածվում էր մեկ այլ տղամարդու հետ Արարատի ոսկու հանքից առանձնապես խոշոր չափի գողություն կատարելու մեջ և որոշ ժամանակ անց նրա հետ եղած՝ գողության մեջ կասկածվողը ևս Երևանում ինքնասպան էր եղել:
