«Վալս պարող պաշտպանության նախարար, 15000 դոլարանոց թամադա». Համացանցը քննարկում է Պապիկյանի ճոխ հարսանիքը


«Վալս պարող պաշտպանության նախարար, 15000 դոլարանոց թամադա». Համացանցը քննարկում է Պապիկյանի ճոխ հարսանիքը
Հունվար 23 18:35 2022

Համացանցը երեկվանից քննարկում է պաշտպանության նախարար Սուրեն Պապիկյանի ճոխ հարսանիքը:

Հիշեցնենք, որ նախարար Սուրեն Պապիկյանը ամուսնացել է իր նախկին խոսնակ Արմինե Մուրադյանի հետ: Պսակադրությունը տեղի է ունեցել Գեղարդի վանական համալիրում, իսկ հարսանեկան խնջույքը` Գագիկ Ծառուկյանի ընտանիքին պատկանող «Փարավոն» ռեստորանային համալիրում: Հարսանիքի քավորը եղել է Աշխատանքի եւ սոցիալական հարցերի նախարար Նարեկ Մկրտչյանը, հարսանիքին ներկա է եղել Նիկոլ Փաշինյանը` տիկնոջ հետ, հյուրերի թիվն անցել է 500-ից:

«Հրապարակ» կայքի տեղեկություններով հարսանիքի հանդիսավարը Խորեն Լևոնյանն է եղել, ով հայտնի է որպես «թանկարժեք» թամադա: Որոշ տեղեկություններով, նա հարսանիքներ վարում է 10-15 հազար ԱՄՆ դոլարով:

Հանրային ու քաղաքական գործիչներն ու ֆեյսբուքյան օգտատերերը քննարկում են հարսանիքի ճոխությունը` նշելով, որ այն չէր զիջում նախկին պաշտոնյաների կազմակերպած ճոխ հարսանիքներին:

ԱԺ «Հայաստան» խմբակցության պատգամավոր Արեգնազ Մանուկյանը ֆեյսբուքյան իր էջում գրում է. «Սուրեն Պապիկյանի հարսանիքն իր ճոխությամբ չէր զիջում կամ գուցե նույնիսկ գերազանցում էր նախկին իշխանությունների ժամանակ պաշտոնյաների կողմից կազմակերպվող համանման միջոցառումներին։

Ասֆալտապատման մասով կոռուպցիոն ռիսկն աչք է ծակում»։ 

Նա նաեւ գրել է. «Ադրբեջանը մտել է Հայաստանի ինքնիշխան տարածք ու ամիսներով դուրս չի գալիս։ Հազարավոր տղաների նիկոլենք զրկեցին ամուսնանալու հնարավորությունից․․․ ու հիմա ազգին զբաղեցնում են պաշտպանության նախարարի գլամուրային հարսանիքի կադրերով»։

Փաստաբան Երվանդ Վարոսյանը իր ֆեյսբուքյան էջում գրել է. «Միակ բանը որ կարող է առողջ հասարակությանը հետաքրքրել չինովնիկի հարսանիքից, դա ծախսած գումարն է ու կոռուպցիոն ռիսկն արտացոլող մարդկանց ներկայությունը։

Պարեր, նկարներ, հարսի շոր, սկեսուրի նվեր, աման-չաման կոտրել և այլն, հուզում են միայն հետամնաց ու քաղքենի հանրույթներին»։

Քաղաքագետ Գագիկ Համբարյանը  իր ֆեյսբուքյան էջում գրել է. «Նիկո՛լ Անհող, որտեղի՞ց պատմության ուսուցիչ Սուրիկին «փարավոնյան» հարսանիքի գումարները

ԶԼՄ-ները բավական մանրամասն ներկայացրեցին ՊՆ ղեկավար «ասֆալտ» Սուրիկի երեկվա ճոխ հարսանիքը «Փարավոն» ռեստորանում...

Հիմա հարց Սուրիկին իշխանության բերած Նիկոլ Անհողին՝«Որտեղի՞ց ընդամենը 3,5 տարի առաջ պատմության ուսուցիչ աշխատող Սուրիկին այդքան գումար, որ նա այդպիսի ճոխ հարսանիք է անում Փարավոնում»...

Հետաքրքիր է, այս հարցը նաև պետք է շատ հետաքրքրի նիկոլակապաշտներին,ժեխին և փթիրին, որոնք աջուձախ խոսում են նախկինների թալանից (որոշ դեպքերում արդարացի)՝ հավատալով, որ իրենց կուռքը դա հետ է բերելու, բայց չգիտես ինչու՛, այդ նույն զանգվածը չի տեսնում, թե Նիկոլն ու իր պեսները, որոնց 95 տոկոսը ամսեկան 100-150 հազար դրամ ստանալուց հրճվում էին, հիմա դարձել են միլիոնատերեր և կարող են իրենց թույլ տալ ավելին, քան նախկին «թալանչիները»... Վառ օրինակը՝ նախկին պատմության ուսուցիչ, նախկին դատված «ասֆլատ» Սուրիկն է...

Օլիգարխների և նախկին պաշտոնյաների զավակների ճոխ հարսանիքներին ամենավերջին անեծքներով և վիրավորանքներով արձագանքող նիկոլականնե՛ր և Նիկոլին սպասարկող ԺԵԽնյուզ, ինչու՞ եք պապանձվել... Ու՞ր են ձեր անեծքներն ու վիրավորանքները, ինչու՞ չեք հաշվարկում, թե ինչ կարելի էր գնել այդ հարսանիքին ծախսված ահռելի գումարներով մեր բանակի համար...»:

Հասարակական գործիչ Հայկ Աթոյանը ֆեյսբուքյան իր էջում գրել է.« «Մոնումենտի տներից» ԱԹՍ «քամող» վարչապետ կոչեցյալին մեկդ հիշեցրեք, որ երեկ իր մերձավոր ՊՆ նախարարը՝ մի «մոնումենտի տան» գնի հարսանիք ա արել...

Հ.Գ. Ժողովրդից չեք կարողանալու փրկվել, խաբված ժողովուրդը՝ նման է քնած արջի. Ոչ ոք չի նախանձելու ձեզ, երբ արջը զարթնի...»:

Գեւորգ Էմին-Տերյանն էլ իր ֆեյսբուքյան էջում գրել է. «Բայց մի հատ խորացեք էլի` ինչ կեղտի մեջ ենք. Սուրեն Պապիկյանը ՊՆ-ն թողել, մի քանի ամիս գնացել է` վալս սովորելու»։

Իրավաբան Ռոբերտ Հայրապետյանն էլ մեկ այլ հարց է բարձրացրել` ֆեյսբուքյան իր էջում գրելով.

«Հանրային հետաքրքրություն ներկայացնող հարցեր, որոնք օր առաջ պետք է պատասխան ստանան

ՀՀ Պ նախարարի հարսանյաց հանդեսին հավուր պատշաճի ստուգվել ե՞ն ՀՀ ԱՆ 05.01.2022 թվականի

N 02-Ն որոշման պահանջների կատարումը

Հյուրերից քանի՞սն են ներկայացրել QR կոդ, քանիսը ՊՇՌ բացասական արդյունքն հավաստող 72 ժամ վաղեմության թեստ և քանիսը հակամարմիններ ունենալու վերաբերյալ 24 ժամ վաղեմության տեղեկանք կամ առողջացման 90օրյա ժամկետը հավաստող ապացույց:

Արդյոք մուտքը սրահ ապահովվել է անձնագրերի ստուգմամբ և դրանք 2-րդ կետում նշված տեղեկատվության հետ համեմատելով»:

 



loading...