Թեհրանն իր ձայնի իրավունքը վերադարձրել Է ՄԱԿ - ում՝ վճարելով կազմակերպության մուծումների պարտքը Հարավային Կորեայի բանկերում սառեցված ակտիվների հաշվին: Այս մասին հայտնում է ISNA գործակալությունը՝ վկայակոչելով ՄԱԿ-ում Իրանի մշտական ներկայացուցիչ Մաջիդ Թահթ-Ռավանչիին։
ՄԱԿ-ում ձայնի իրավունքը պետք է վերադառնա Իրանին երկուշաբթի օրվանից։
Bloomberg գործակալությունը նաեւ հայտնել է, որ Հարավային Կորեան վճարել է Իրանի 18 մլն դոլարի չափով պարտքը ԱՄՆ-ի պահանջով արգելափակված ակտիվներից: Վճարումը տեղի է ունեցել ուրբաթ՝ ամերիկյան կողմի միջնորդությամբ։