Անօթեւանների կացարանի բնակիչները խնդրում են իշխանություններին՝ 6 ամսով երկարաձգել իրենց մնալու իրավունքը Վարդաշենի 9-րդ փողոցում գտնվող շենքում:
Սոցապնախարարության դիմաց այսօր՝ հունվարի 3-ին, բնակիչները լրագրողների հետ զրույցում ասացին, որ շենքում բնակվող 93 քաղաքացիներից 43-ը հաշմանդամություն ունեն եւ չեն կարող ձմռանը հայտնվեն փողոցում: Հիշեցնենք, որ պետությունը չի երկարաձգել պայմանագիրը «Հանս Քրիստիան կոֆոեդ» բարեգործական հիմնադրամի հետ եւ հունվարի 1-ից բնակիչները պետք է տեղափոխվեին Հաղթանակ թաղամաս:
«Մեր մեջ կռված տղաներ կան, հեղափոխությանը մասնակցած մարդիկ կան, էն ժամանակ պետք էինք, հիմա պետք չե՞նք: Բանավոր պայմանավորվածությամբ են մեզ ուզում տեղափոխել»,- ասաց բնակիչներից մեկը:
Անօթեւանների կացարանի բնակիչները բողոքում են, որ առաջարկվող շենքում տարրական պայմաններ կան, նույնիսկ մահճակալները չեն բավարարի:
