«Քաղաքապետարանն առնվազն երկու ոլորտներում ձախողել է իր աշխատանքները». Շուշան Դոյդոյան

Ինֆորմացիայի ազատության կենտրոնի ղեկավար Շուշան Դոյդոյանի գրառումը. «Նոր քաղաքապետը հայտարարել է, որ կլինեն կադրային փոփոխություններ։ Իմ կարծիքով, կադրային փոփոխությունների նպատակը պետք է լինի նախևառաջ ձախողված ոլորտներում համալիր բարեփոխումների իրականացումը և կոռուպցիայի դեմ պայքարը։ 
Քաղաքապետարանն առնվազն երկու ոլորտներում ձախողել է իր աշխատանքները՝ քաղաքաշինության և հաղորդակցության/տեղեկատվության ազատության։ 
Առաջարկում ենք անպայման փոփոխություններ կատարել այդ առանցքային ոլորտների ղեկավար անձնակազմում՝ Քաղաքաշինության և հողի վերահսկողության, ինչպես նաև Լրատվության վարչություններում»։