Գրոսմայստեր Լևոն Արոնյանի կինը՝ Արիանա Կաոիլին, այսօր կդառնար 35 տարեկան, սակայն 2020 թվականի մարտին նա ավտովթարի զոհ դարձավ։
Արոնյանը Ֆեյսբուքի իր էջում տեսանյութ է հրապարակել և գրառում արել կնոջ հիշատակին․
«Սիրելի Արի,
7 տարի առաջ էի այս տեսանյութը պատրաստել քեզ համար որպես նվեր: Այն մեր համատեղ արձակուրդների հիշողությունն է: Քո ծննդյան օրը մենք միշտ միասին էինք նշում, մեր ընկերների հետ կամ առանց նրանց, բայց միշտ միասին: Դու սիրում էիր տարվա այս եղանակը, և այն պլանավորելն ինձ այնքան երջանիկ էր դարձնում։ Մենք միշտ հետաքրքիր մի բան էինք կազմակերպում. գնում էինք նոր երկիր կամ յուրահատուկ կերպով անցկացնում օրը: Ես միշտ կփայփայեմ մեր բոլոր հուշերը:
Ես, մեր ընտանիքները, Պոնչիկն ու Պակյաոն, քո ընկերներն ու ցանկացած մեկը, ով սիրում էր քեզ, երբեք չի հոգնել քեզնից ու երբևէ չի հոգնի: Սիրում ու կարոտում ենք քեզ: Շնորհավոր ծնունդդ»:
Տեսանյութը` այստեղ։
