Հունվարի 1-ից ջրի գինը Հայաստանում շուրջ 20 դրամով կթանկանա, իսկ փետրվարից հավանական է համարվում էլեկտրաէներգիայի և գազի սակագների բարձրացումը՝ ըստ պաշտոնական աղբյուրների:
«Փաստինֆո»-ն հարցում է իրականացրել երեւանցիների շրջանում՝ պարզելու, թե ինչպես են վերաբերվում թանկացումներին:
Քաղաքացիներն իրենց դժգոհությունը հայտնեցին թանկացումների հետ կապված և նշեցին, որ մարդկանց սոցիալական վիճակի վրա թանկացումները շատ բացասաբար են ազդելու.
«Թանկացումները շատ վատ հետևանքներ են ունենալու, մարդիկ չեն կարողանալու իրենց վճարումները նորմալ կատարել»,-ասաց հարցման մասնակից քաղաքացիներից մեկը, մյուսն էլ հավելեց. «Սա կատարյալ թալան է»:
Քաղաքացիներից մեկն էլ զարմանք հայտնեց ինչպե՞ս է ստացվում, որ ջրի և էլեկտրաէներգիայի գինը բարձրանում է, իսկ թոշակները՝ ոչ։
«Ամեն ինչն էլ թանկ է՝ ուտելիքից սկսած, շուտով հոսանք և գազն էլ կթանկացնեն, իսկ թոշակները նույնն են»,-ասաց քաղաքացին:
