Այսօր, հոկտեմբերի 10-ին, խոշոր ավտովթար է տեղի ունեցել Երևանում։ Այս մասին հայտնում է shamshyan.com-ը:
Ժամը 16։30-ի սահմաններւմ Hyundai Santa Fe մակնիշի ավտոմեքենան Հրազդանի կիրճում «Ֆլորենսիա» ռեստորանային համալիրի մոտ, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել քարերին, այնուհետև՝ առաջ ընթանալով, բախվել Հրազդան գետի վրա կառուցված երկաթե ճաղավանդակներով պատվանդանին։
Վթարի հետևանքով վարորդը օպերատիվորեն ժամանած Երևանի 1-03 շտապօգնության բժիշկների կողմից նախ տեղում առաջին բուժօգնությունն է ստացել, ապա տեղափոխվել «Արմենիա» բժշկական կենտրոն։
Փաստի առթիվ Հ․ Սարգսյանի կողմից նյութեր են նախապատրաստվում։ Ոստիկանությունը պարզում է հիվանդանոց տեղափոխված վարորդի ինքնությունը։ Ֆոտոլրագրողը հայտնում է, որ եթե երկաթե ճաղավանդակներով այդ պատվանդանը չլիներ, ապա այդ ավտոմեքենան կհայտնվեր Հրազդան գետում։ Այս պահի տեղում ուժեղացված ծառայություն են կատարում պարեկներ Ռոման Սահակյանն ու Գուրգեն Դանիելյանը, որպեսզի հետքրքրասեր վարորդները մեքենաները չկայանեն և խցանում չառաջանա։
