ԱՄՆ-ի Լուիզիանա նահանգի Նոր Օռլեան քաղաքում նախօրեին հրդեհ է բռնկվել ենթադրաբար ամերիկացի հայտնի երգչուհի Բեյոնսեին և նրա ամուսնուն՝ պրոդյուսեր և ռեփ կատարող Jay-Z-ին պատկանող շքեղ առանձնատանը, հաղորդում է Daily Mail-ը։
Ինչպես նշում է պարբերականը, 2,4 միլիոն դոլար արժողությամբ բարոկկո ոճով առանձնատանը հրդեհ է բռնկվել գիշերը, և, ըստ աղբյուրների, 22 հրշեջ է պայքարել կրակի դեմ։
TMZ-ն, իր հերթին, հաղորդում է՝ հայտնի զույգի առանձնատանը բռնկված կրակը մարելու համար հրշեջներին ավելի քան երկու ժամ է պահանջվել։
Թեև ամերիկյան ԶԼՄ-ներին դեռևս հայտնի չէ հրդեհի հետևանքով վնասի չափը, New York Post պարբերականի աղբյուրը նշել է՝ «պատմական առանձնատունը կարող էր ավելի անմխիթար միճակում լինել, եթե հրշեջներն արագ չարձագանքեին»։
Նշենք, որ զույգը դեռևս չի մեկնաբանել իրադարձությունը։
