Բացահայտվել է դեղամիջոցների անօրինական ներմուծման դեպք․ հայտնաբերվել են ավելի քան 34 կգ քաշով տարբեր տեսակի դեղամիջոցներ և դրանց համար նախատեսված տուփեր․ ՊԵԿ


Բացահայտվել է դեղամիջոցների անօրինական ներմուծման դեպք․ հայտնաբերվել են  ավելի քան 34 կգ քաշով տարբեր տեսակի դեղամիջոցներ և դրանց համար նախատեսված տուփեր․ ՊԵԿ
Հուլիս 12 11:50 2021

Մաքսանենգության դեմ պայքարի վարչության և  Արևելյան մաքսատուն-վարչության աշխատակիցների մասնակցությամբ օրերս «Բագրատաշեն» պետական սահմանային անցակետում հայտնաբերվել և կանխվել է ավելի քան 34 կգ քաշով տարբեր տեսակի դեղամիջոցների և դրանց համար նախատեսված տուփերի անօրինական ներմուծման դեպք: Այս մասին հայտնում են ՊԵԿ տեղեկատվության և հասարակայնության հետ կապերի բաժնից։

Մաքսանենգության դեմ պայքարի վարչության աշխատակիցները հսկողություն են իրականացրել Վրաստանից Հայաստան ժամանած Հայաստանի Հանրապետության քաղաքացի Գ.Մ-ի կողմից շահագործվող ավտոմեքենան: Արդյունքում՝ նշված ավտոմեքենայի սրահի վահանակի, հետևի թափարգելի, բեռնախցիկի դռան և վառելիքի բաքի միջից հայտաբերվել են  մաքսային հսկողությունից թաքցրած 6,45 կգ ընդհանուր քաշով  տարբեր տեսակի դեղամիջոցների թղթյա տուփեր, ինչպես նաև մոտ  28 կգ ընդհանուր քաշով 38 տարբեր անվանումներով տարբեր տեսակի դեղամիջոցներ։

Փաստի առթիվ ՊԵԿ մաքսանենգության դեմ պայքարի վարչությունում ՀՀ մաքսային օրենսգրքի 201-րդ հոդվածի իրավախախտման հատկանիշներով նախապատրաստվել են նյութեր, որոնք տրամադրվել են ՊԵԿ իրավաբանական վարչությանը:

Մանրամասները՝ տեսանյութում։



loading...