Սպիտակ-Երևան ավտոճանապարհին «Hyundai Elantra» մակնիշի ավտոմեքենան դուրս է եկել ճանապարհի երթևեկելի հատվածից և գլորվել ձորը․ վարորդը և ուղևորը տեղում մահացել են


Սպիտակ-Երևան ավտոճանապարհին «Hyundai Elantra» մակնիշի ավտոմեքենան դուրս է եկել ճանապարհի երթևեկելի հատվածից և գլորվել ձորը․ վարորդը և ուղևորը տեղում մահացել են
Հուլիս 2 11:00 2021

Հուլիսի 1-ին, ժամը 17:47-ին Լոռու մարզային ճգնաժամային կառավարման կենտրոն ահազանգ է ստացվել, որ Ջրաշեն գյուղի մոտակայքում տեղի է ունեցել ՃՏՊ․ կան տուժածներ։ Այս մասին հայտնում է ԱԻՆ-ը:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Սպիտակ-Երևան ավտոճանապարհի 10-րդ կմ-ին «Hyundai Elantra» մակնիշի ավտոմեքենան (վարորդ՝ Ռ․ Ո․, 1953 թ․) դուրս է եկել ճանապարհի երթևեկելի հատվածից և մոտ 7 մ գլորվել ձորը․ վարորդը և ուղևորը (Ռ․ Ո․, 1959 թ․) տեղում մահացել են։

Մինչ փրկարարների կանչի վայր հասնելը, դիերն ավտոմեքենայից դուրս են բերվել տեղի ուժերով։

Փրկարարները հոսանքազրկել են ավտոմեքենան և փակել գազի բալոնի փականը։



loading...