Հանրապետության հրապարակից բերման է ենթարկվել Նիկոլ Փաշինյանի հրաժարականի պահանջով ավտոերթ իրականացնողներից «Հայրենիք» կուսակցության անդամ Դավիթ Բաղդասարյանը։
Այս մասին ֆեյսբուքյան իր էջում տեղեկացրել է կուսակցության մամուլի քարտուղար Սոս Հակոբյանը։
«Ապօրինի կերպով բերման է ենթարկվել «Հայրենիք» կուսակցության անդամ Դավիթ Բաղդասարյանը Ոստիկանության Էրեբունու բաժին:
Դավաճաններին ծառայելով ոչ թե մեզ եք բերման ենթարկում, այլ՝ Հայաստանի Հանրապետությանը և մեր բոլորիս ապագան:
Հայաստանը մաքրվելու է թուրքահպատակ իշխանություններից, որովհետև մենք այլ հայրենիք չունենք: Հայաստանը լինելու է հավերժ»,-գրել է նա՝ հրապարակելով նաև տեսանյութ, որում երևում է, թե ինչպես է բերման ենթարկվում Դավիթ Բաղդասարյանը:
Սոս Հակոբյանը Tert.am-ին փոխանցեց, որ հավանաբար ոստիկանների առաջ պայման էր դրված գոնե մեկ անձի բերման ենթարկել, ինչի պատճառով էլ մի խումբ ոստիկաններ կոնտրոնացած էին միայն մի քաղաքացու բերման ենթարկելու վրա:
«Դավիթ Բաղդասարյանին տեղափոխել են Էրեբունի ոստիկանության բաժին»,- նշեց Հակոբյանը: