Ճանապարհային ոստիկանության 2-րդ սպայական գումարտակի 2-րդ վաշտի ավագ հետաքննիչ Հայկ Վարդանյանի կողմից նյութեր են նախապատրաստվում հունվարի 2-ին Արագածոտնի մարզում տեղի ունեցած ավտովթարի փաստով: Ժամը 13:40-ի սահմաններում, Շիրակ մարզի Լանջիկ գյուղի բնակիչ, 21-ամյա Արսեն Մինասյանը՝ իր վարած Volkswagen մակնիշի ավտոմեքենայով, Երևան-Գյումրի ավտոճանապարհի 68 կմ հատվածում, դեռևս անհայտ հանգամանքներում, դուրս է եկել ճանապարհի երթևեկելի գոտուց և կողաշրջված հայտնվել դաշտում:
Ինչպես հայտնում է shamshyan.com-ը, վթարի հետևանքով ուղևորներ, Երևանի բնակիչներ, 22-ամյա Մարկ Հայրապետյանը, 25-ամյա Հարութ Մկրտչյանը, 22-ամյա Վռամ Մկրտչյանը և 22-ամյա Ալեք Խաչատրյանը մարմնական վնասվածքներով տեղափոխվել են «Թալին» բժշկական կենտրոն: Գ. Շամշյանի տեղեկություններով, վիրավորներից Հ. և Վ. Մկրտչյանները եղբայրներ են:
