Ֆուտբոլի աշխարհի եռակի չեմպիոն բրազիլացի Պելեն արձագանքել է Արգենտինայի հավաքականի նախկին ֆուտբոլիստ Դիեգո Մարադոնայի մահվանը: Վետերանի խոսքը մեջբերում Է Reuters-ը:
«Վստահ եմ, որ մի օր մենք կխաղանք քեզ հետ երկնքում»,- ասվում է Պելեի հայտարարության մեջ։
Մարադոնայի մահվան առթիվ գրել է նաև Թուրինի «Յուվենտուսի» պորտուգալացի հարձակվող Կրիշտիանու Ռոնալդուն։
Արգենտինայի նախագահ Ալբերտո Ֆերնանդեսը եռօրյա սուգ է հայտարարել երկրի հավաքականի նախկին ֆուտբոլիստ Դիեգո Մարադոնայի մահվան կապակցությամբ:
Հիշեցնենք, որ լեգենդար ֆուտբոլիստի մահվան մասին հայտնի էր դարձել այսօր՝ նոյեմբերի 25-ին։ Նրա փաստաբանի խոսքերով՝ 60-ամյա Մարադոնան մահացել է սրտի կաթվածից:
