«Ամեն ինչ լավ է լինելու». Ի՞նչ է խնդրել Վիտալի Բալասանյանը Նիկոլ Փաշինյանից. «Հրապարակ»


«Ամեն ինչ լավ է լինելու». Ի՞նչ է խնդրել Վիտալի Բալասանյանը Նիկոլ Փաշինյանից. «Հրապարակ»
Հոկտեմբեր 30 09:56 2020

«Հրապարակ» թերթը գրում է. «Նախօրեին հայտնի դարձավ, որ Արցախի անվտանգության խորհրդի նախկին քարտուղար, Արցախի հերոս Վիտալի Բալասանյանը ժամանել է Երեւան եւ հանդիպել ՀՀ վարչապետ Նիկոլ Փաշինյանին, սակայն հանդիպման մասին պաշտոնական տեղեկատվություն չի հնչել:

Փաստն ինքնին տարօրինակ էր, քանի որ Բալասանյանն արմատական ընդդիմություն է եւ մշտապես քննադատում էր Փաշինյանին։ Թե ինչ հարցեր են քննարկել, կողմերը չեն ցանկանում մանրամասնել։ Վարչապետի մամուլի խոսնակը լրատվամիջոցներին հայտնել է, թե երկկողմ հանդիպում է եղել, ինքը տեղյակ չէ զրույցից, իսկ Վիտալի Բալասանյանը, հաստատելով հանդիպման փաստը, միայն ասել է, որ ամեն ինչ լավ է լինելու։

Մեզ պատմեցին, որ Բալասանյանի այցի նպատակը եղել է այն, որ Նիկոլ Փաշինյանից թույլտվություն ստանա կորցրած տարածքներից մեկը վերադարձնելու օպերացիա մշակելու համար։ Բալասանյանն ասել է, որ Արցախում վիճակը հուսադրող չէ, եւ պետք է թույլ տան իրեն՝ ՊԲ-ի հետ մասնակցել մարտերի մարտավարության մշակմանը, ավելին՝ իրեն վստահեն ուղղություններից մեկի վերադարձի օպերացիան։

Կարծես թե համաձայնություն է ստացել, պայմանով, որ այդ օպերացիան իրականացնելու է ՀՀ ԶՈՒ շտաբի պետ Օնիկ Գասպարյանի անմիջական վերահսկողությամբ եւ նրա հետ համաձայնեցված»:

Առավել մանրամասն՝ թերթի այսօրվա համարում



loading...