Հայաստանի ՊՆ-ն ներկայացրել է Ադրբեջանի կորուստները՝ տասնյակ տանկեր, 3 «ՏՕՍ», 1 «Սմերչ»


Հայաստանի ՊՆ-ն ներկայացրել է Ադրբեջանի կորուստները՝ տասնյակ տանկեր, 3 «ՏՕՍ», 1 «Սմերչ»
Սեպտեմբեր 30 19:41 2020

Համառ մարտերը շարունակվեցին ամբողջ օրվա ընթացքում: Մեր զորքերը հերոսաբար կռվեցին ու հետ մղեցին հակառակորդի գրոհները, որոնց մարտավարությունը զգալիորեն փոխվել է: Այս մասին ճեպազրույցում ասաց ՊՆ ներկայացուցիչ Արծրուն Հովհաննիսյանը:

Նրա խոսքով՝ հարձակման հիմնական ուղղությունները մնացել են հյուսիսն ու հարավը: Հովհաննիսյանը ներկայացրեց վերջին օրվա ընթացքում հակառակորդի կորուստները՝ անձնակազմի շրջանում զոհերի թիվը 130 է, շուրջ 200 վիրավորներ կան, տեխնիկան` 29 տանկ եւ БТР-ներ, 3 «ՏՕՍ» կայանք, 1 «Սմերչ », 11 ԱԹՍ: Տվյալները կարող են փոխվել, մարտերը շարունակվում են: «Ինտենսիվությունն ու ուղղությունը փոխվում են: Հակառակորդն անընդհատ փորձում է ինչ-որ գործողություններ ձեռնարկել: Մեր զինված ուժերը պատասխանում են, այլ ոչ թե միայն պաշտպանվում»,- եզրափակեց Արծրուն Հովհաննիսյանը:



loading...