ԱՊՀ երկրների ինստիտուտի եվրասիական ինտեգրման և ՇՀԿ զարգացման բաժնի վարիչ, ռազմական փորձագետ Վլադիմիր Եվսեևի խոսքով՝ երկու տարի առաջ Բաքվում հույսեր ունեին, որ Հայաստանի նոր իշխանությունները` ի դեմս վարչապետ Նիկոլ Փաշինյանի, ԼՂ հիմնահարցում կգնան մեծ զիջումների` հաշվի առնելով նրանց բացասական վերաբերմունքը ղարաբաղյան կլանի` Հայաստանի նախկին նախագահների նկատմամբ, բայց դրանք չարդարացան:
Tert.am-ի հետ զրույցում նա նման դիտարկում արեց` անդրադառնալով այս օրերին ղարաբաղաադրբեջանական սահմանին Ադրբեջանի սանձազերծած պատերազմի պատճառներին:
«Եվ քանի որ այդ սպասումները չարդարացան, Ադրբեջանը վերադարձավ իր նախկին քաղաքականությանը, որը ցանկանում էր իրականացնել 2016-ի ապրիլյան պատերազմին և որը վերաբերում էր տարածքներ «կծմծելուն»»,- ասաց նա:
Նրա խոսքով` ի տարբերություն ապրիլյան պատերազմի, այս անգամ Արդրբեջանն Արցախի հետ ամբողջ սահմանով է ռազմական գործողություններ ծավալել, նաև` այս անգամ ռազմական գործողություններում ներգրավված է Թուրքիան:
«Իհարկե, ապրիլյան պատերազմի ժամանակ Թուրքիան մասնակցում էր ռազմական գործողություններում փաստացիորեն իր հատուկ նշանակության ջոկատներով: Սակայն, այս անգամ մասնակցում է նաև իր զինտեխնիկայով` F-16 ինքնաթիռներով, իր ԱԹՍ-ներով, որոնք կառավարվում են թուրք զինվորականների կողմից: Սա Թուրքիայի քաղաքականությունն է` ներգրավվել բոլոր հակամարտություններում` Սիրիայում, Իրաքում, Լիբիայում, հնարավոր է նաև Եմենում, հիմա էլ Լեռնային Ղարաբաղում:
Բայց այդպես շարունակվի, Թուրքիան «վա բանկ» կգնա, որովհետև Թուրքիայում տնտեսությունը անկում է ապրում, հիմա Էրդողանը պարզապես աշխատում է օգուտներ քաղել ազգայնական տրամադրություններից»,- ասաց նա:
Մանրամասները՝ սկզբնաղբյուր կայքում։