Առողջապահական և աշխատանքի տեսչական մարմնի հարավային տարածքային կենտրոնի մասնագետների կողմից այսօր Էջմիածին քաղաքում կասեցվել է մի քանի ընկերության գործունեություն:
Կասեցման համար հիմք են հանդիսացել ավելի վաղ իրականացված մշտադիտարկման արդյունքում արձանագրված խախտումները։
ԱԱՏՄ-ն հիշեցնում է՝ պարետի որոշումներն ուժի մեջ են մտնում հրապարակման պահից։ Տնտեսավարողի գործունեությունը կասեցված է համարվում տեղեկացման պահից։
Հանրապետության բոլոր մարզերում շարունակվել են մշտադիտարկման լայնածավալ աշխատանքները՝ Շամշադին, Գյումրի, Սևան, Բյուրեղավան, Կապան և այլ քաղաքների տնտեսավարողների մոտ։
ԱԱՏՄ աշխատանքային խմբերը դիտարկել են մարզերում գործող կարի և պահածոների խոշոր արտադրամասեր, ատամնաբուժական կաբինետներ, դեղատներ, գեղեցկության սրահներ, խոշոր սուպերմարկետների մասնաճյուղեր, մանրամեծածախ առևտրի կետեր։
Արձանագրվել են մի շարք խախտումներ, որոնց վերաբերյալ կազմված արձանագրությունները կուղարկվեն պարերատուն։
ԱԱՏՄ ամենօրյա ռեժիմով անակնկալ ստուգայցերն ու ուժեղացված վերահսկողական աշխատանքները շարունակվում են ողջ հանրապետությունում։
