Ֆիլիպինների նախագահ Ռոդրիգո Դուտերտեն պատրաստվում է առաջինը փորձարկել կորոնավիրուսի դեմ ռուսական պատվաստանյութը: ТАСС-ի փոխանցմամբ՝ այդ մասին նա հայտարարել է ժողովրդին ուղղված տեսաուղերձի ժամանակ։
Նա ընդգծել է, որ պատվաստանյութը մարդկությանը օգուտ կբերի:
Ռոդրիգո Դուտերտեն նշել է, որ եթե ամեն ինչ բարեհաջող անցնի, մնացածն էլ կարող են փորձարկել: Բացի դրանից՝ Դուտերտեն խնդրել է Ֆրանսիսկո Դուկեին ռուսական կողմի հետ քննարկել արտադրության տեխնոլոգիայի հնարավոր փոխանցումը:
