Այսօր բնիկ ժողովուրդների միջազգային օրն է

Այսօր Աշխարհի բնիկ ժողովուրդների միջազգային օրն է
1994թ. ՄԱԿ-ի Գլխավոր վեհաժողովը հաստատեց, որ Բնիկ ժողովուրդների միջազգային օրը պետք է նշվի ամեն տարի օգոստոսի 9-ին` բնիկների հարցերով աշխատանքային խմբի առաջին նստաշրջանի օրը:
2004թ.-ի դեկտեմբերի 20-ի № 59/174 որոշման մեջ Գլխավոր վեհաժողովը, հռչակելով բնիկ ժողովուրդների Երկրորդ միջազգային տասնամյակը, որոշեց շարունակել նշել բնիկ ժողովուրդների միջազգային օրը Երկրորդ տասնամյակի ողջ ժամանակահատվածում: Վեհաժողովը խնդրեց ՄԱԿ-ի Գլխավոր քարտուղարին կոչ անել կառավարություններին նշել տոնը ազգային մակարդակով:
2005թ.-ի ուղերձում ՄԱԿ-ի Գլխավոր քարտուղարը կոչ արեց, որ կառավարությունները պարտավորվեն ամենուրեք ընդլայնել համերաշխության շրջանակը բնիկ ժողովուրդների հետ և նրանց հետ համատեղ աշխատել այն ուղղությամբ, որպեսզի նրանց համար ապահովեն զարգացման հնարավորություններ խաղաղության և անվտանգության պայմաններում՝ հարգելով մարդու իրավունքները, ինչից նրանցից շատերին զրկում էին երկար ժամանակ: