Մոսկվայում ձերբակալվել է հայերի և ադրբեջանցիների միջև զանգվածային ծեծկռտուքի 30-ից ավելի մասնակից։ Այս մասին հայտնում է interfax.ru-ն:
Հարուցվել են քրեական գործեր՝ խուլիգանության (Քրեական օրենսգրքի 213-րդ հոդված) և կողոպուտի (Քրեական օրենսգրքի 162-րդ հոդված) հոդվածներով:
«Բոլոր օրինախախտները կենթարկվեն օրենքով նախատեսված պատասխանատվության: Բացի դա, ըստ Ռուսաստանի Դաշնության միգրացիոն օրենսդրության՝ 5 տարով կարգելվի նրանց մուտքը ՌԴ», - ասված է ՆԳՆ-ի հայտարարությունում:
