Մեծ Բրիտանիան չեղարկում է 14-օրյա պարտադիր մեկուսացման պայմանը ավելի քան 50 երկրից ժամանողների համար: Այդ մասին հայտարարել է Մեծ Բրիտանիայի տրանսպորտի նախարարը Sky News-ին տված հարցազրույցի ժամանակ:
«Պետությունն անտրտունջ աշխատում էր, որպեսզի հասնեինք այս փուլին, դրա համար անվտանգությունը պետք է մնա մեր ուշադրության կենտրոնում, և մենք առանց տատանվելու արագ ձեռք կառնենք նոր միջոցառումներ մեզ պաշտապնելու համար, եթե վարակման ցուցանիշը մեծանա այն երկրներում, որոնց հետ վերսկսում ենք հարաբերությունները»:
Երկրների ցանկը, որտեղից ժամանողների համար սահմանափակումը չեղարկվում է, Մեծ Բրիտանիան կհայտարարի ավելի ուշ:
Հիշեցնենք՝ հունիսի 8-ից Մեծ Բրիտանիա բոլոր ժամանողները պետք է անցնեին 14-օրյա կարանտին, բացառությամբ Իռլանդիայից, Մեն կղզուց և Նորմանդիայից ժամանողների:
