Հայրենական Մեծ Պատերազմի 75-րդ տարեդարձին նվիրված շքերթին Հայաստանը ներկայացնելու է 75 հոգուց բաղկացած զորախումբ` պաշտպանության նախարար Դավիթ Տոնոյանի գլխավորությամբ: Այս մասին ֆեյսբուքյան իր էջում հայտնում է Վարչապետի խոսնակ Մանե Գևորգյանը։
Խոսնակը նշում է նաև, որ վարչապետ Նիկոլ Փաշինյանը չի մասնակցի Հայրենական Մեծ Պատերազմի 75-րդ տարեդարձին նվիրված միջոցառումներին:
Հիշեցնենք, որ ավելի վաղ հայտնի դարձավ, որ Վարչապետ Նիկոլ Փաշինյանի նամակ է հղել Ռուսաստանի Դաշնության նախագահ Վլադիմիր Պուտինին, որում տեղեկացնում է, որ չի կարողանալու մասնակցել Հայրենական Մեծ պատերազմի 75-րդ տարեդարձին նվիրված միջոցառումներին։
