Georgia-News-ը հայտնում է, որ Forbes ամսագիրը Վրաստանին ներառել է յոթ երկրների շարքում, որոնք կարող են հիմնական տուրիստական ուղղություններ դառնալ կորոնավիրուսային համավարակից հետո:
Rising Stars in Travel վերնագրով հոդվածում Վրաստանից բացի հիշատակվում է Եթովպիայի, Իրանի, Մյանմարի, Ֆիլիպինների, Սլովենիայի եւ Թունիսի հետ միասին:
«Վրաստանն արդեն կովկասյան տարածաշրջանի ամենաիդիլիական ուղղություններից մեկը դառնալու ճանապարհին է: Սկսեք ձեր ճանապարհորդությունը երկրի մայրաքաղաքից: Թբիլիսին հմայիչ քաղաք է, որը լի է Մտկվարի գետի երկայնքով տեղակայված հին եկեղեցիներով եւ ռեստորաններով»,- նշվում է հոդվածում:
Հոդվածի հեղինակը նաեւ խորհուրդ է տալիս այցելել երկրի արեւմուտքում գտնվող փոքրիկ գեղեցիկ քաղաքներ, վայելել վրացական գեղեցիկ բնությունը, ինչպես նաեւ համտեսել վրացական գինին, քանի որ Վրաստանը երկրի ամենահին գինեգործական տարածաշրջաններից մեկն է:
Հուլիսի 1-ից Վրաստանը կբացի իր սահմանները զբոսաշրջության համար, բայց ոչ բոլորը կկարողանան գալ երկիր, հարցազրույցում պարզաբանել է էկոնոմիկայի նախարար Նաթիա Տուրտավան: Նա շեշտել է, որ Վրաստանը զբոսաշրջիկների է սպասում այն երկրներից, որտեղ համաճարակաբանական իրավիճակը քիչ թե շատ նման է վրացականին:
Հյուրանոցների եւ բնակարանների համար Վրաստանի առողջապահության նախարարությունը հատուկ կանոններ է հաստատել, որոնք պետք է ապահովեն զբոսաշրջիկների եւ տեղի բնակչության անվտանգությունը կորոնավիրուսի համավարակի համատեքստում: