Արսեն Թորոսյանի հայտարարություններն անհիմն են և որոշ հարցեր են առաջացնում. Վրաստանի առողջապահության նախարար


Արսեն Թորոսյանի հայտարարություններն անհիմն են և որոշ հարցեր են առաջացնում. Վրաստանի առողջապահության նախարար
Մայիս 26 00:14 2020

Վրաստանի առողջապահության նախարար Էկատերինե Տիկարաձեն արձագանքել է Հայաստանի առողջապահության նախարար Արսեն Թորոսյանի հայտարարությանը՝ Վրաստանում կորոնավիրուսային իրավիճակի վիճակագրության կասկածելի լինելու և վրացական հակամահաճարակային համակարգի ոչ արդյունավետ լինելու վերաբերյալ։

Այս մասին հայտնում է Վրաստանի Առաջին ալիքը։

Տիկարաձեի խոսքով՝ Թորոսյանի հայտարարությունն անհիմն է և իրենց մոտ որոշ հարցեր է առաջացրել:

Նախարարը հայտնել է, որ խնդրի վերաբերյալ նախատեսվում է կապ հաստատել Հայաստանի առողջապահության նախարարի հետ:

«Մենք բազմիցս հեռախոսազրույց ենք ունեցել համավարակի այս ժամանակահատվածում, անցկացրել ենք խորհրդակցություններ և համեմատել մեր երկրներում տիրող իրավիճակը: Եթե նա ուներ հարցեր, կարող էր օգտվել այդ հնարավորությունից և մենք կպատասխանեինք նրա բոլոր հարցերին: Այն, որ Վրաստանի առողջապահության նախարարության ունեցած արդյունքները կասկածելի չեն, հաստատում են ոչ միայն թվերը, այլ գնահատականը, որը տալիս է հասարակությունը: Ուստի, որոշ կասկածներ են առաջանում և հարցեր, թե ի՞նչն է հիմք հանդիսացել իմ գործընկերոջ կողմից նման հայտարարություն անելու համար:

Մենք նախատեսում ենք նրա հետ կապ հաստանել, որպեսզի պարզաբանումներ ստանանք»,- հայտարարել է Էկատերինե Տիկարաձեն:

Ինչ վերաբերում է Արսեն Թորոսյանի այն մեկնաբանությանը, թե հնարավոր է, որ Վրաստանի` օրական 40 000 արվող թեստերի մի մասն արագ թեստեր լինեն, որոնցից Հայաստանը չի օգտվում, քանի որ ոչ վստահելի են, ապա Վրաստանի առողջապահության նախարան ասել է.«Հասարակությունը քաջ գիտակցում է այն փաստը, որ չնայած բազմաթիվ քննադատություններին, որ մենք պետք է շատ արագ փորձարկումներ անենք, վրացական կառավարությունը պահեց իր որոշումը, որ Վրաստանում մեր քաղաքացիները հիմնականում փորձարկվում են ՊՌՇ թեստերով: Այստեղ ևս հարցեր են առաջանում, և մենք կբարձրացնենք բոլոր հարցերը», - ասաց Եկատերինե Տիկարաձեն:

Նշենք,որ Արսեն Թորոսյանն ասել էր, որ ՀՀ-ում միայն ՊՌՇ թեստավորում է։



loading...