Մասաչուսեթսի տեխնոլոգիական ինստիտուտի Ինֆորմատիկայի և Արհեստական բանականության լաբորատորիայի (CSAIL) ինժեներները մշակել են հատուկ սփրեյ, որը կարող է յուրաքանչյուր կոշտ մակերես վերածել սենսորի: SprayableTech անունը ստացած նյութը կարելի է փչել, օրինակ, ննջասենյակի պատին`լուսավորությունը կառավարելու համար, կամ բազմոցի թևի վրա՝ այն հեռուստացույցի հեռակառավարման վահանակի վերածելով:
Գործընթացը սկսում է եռաչափ տրաֆարետի ստեղծմամբ, այնուհետև աերոզոլային ներկով պատվում է մակերեսը: Թե ինչպես է այս տեխնոլոգիան աշխատում ներկայացված է տեսանյությում.
«SprayableTech-ն իր կիրառման մեջ այնքան ճկուն է, որ բացի պատերից և մակերեսներից, այն կարող է օգտագործվել ավելի մեծ օբյեկտների, ինչպիսիք են ինտերակտիվ խելացի քաղաքները և հասարակական վայրերում ինտերակտիվ ճարտարապետությունը վերահսկելու համար: Մենք սա տեսնում ենք որպես գործիք, որը թույլ կտա մարդկանց շփվել և նորովի օգտագործել շրջակա միջավայրը»,- ասում է տեխնոլոգիայի հեղինակներից մեկը՝ Մայքլ Ուեսլին:
Գյուտարարի խոսքով ՝ CSAIL- ի թիմը նպատակ ունի համագործակցել գրաֆիտի արտիստների և ճարտարապետների հետ: SprayableTech-ի առաջին լայնածավալ ծրագրերը կարող են լինել խելացի քաղաքները և ինտերակտիվ տները:
