Բարսելոնայում անցկացվող Համաշխարհային բջջային կոնգրեսի ընթացքում Huawei-ը ներկայացրել է Mate Xs նորագույն սմարթֆոնը, որը 2019թ. թողարկված Mate 30 ճկուն էկրանով մոդելի կատարելագործված տարբերակն է:
Ինչպես փոխանցում է ТАСС գործակալությունը, ընկերության ներկայացուցչի խոսքով՝ իրենք ուղղել են նախորդ մոդելի թերությունները՝ նորագույն սմարթֆոնը համալրելով 8 դյույմ անկյունագծային էկրանով, որը պատված է կրկնակի պաշտպանիչ շերտով, ինչն էկրանն 80 տոկոսով ավելի ամուր է դարձրել նախորդ մոդելի համեմատ: Ինչպես հայտնել է ընկերության ներկայացուցիչը, էկրանի պատրաստման նյութը երեք անգամ ավելի թանկ է, քան ոսկին: Այդ պատճառով էլ գաջեթի գինը բավականին թանկ է:
Նորույթի մարտկոցն այժմ կարող է 85 տոկոս լիցքավորում ստանալ 30 րոպեում, իսկ ամբողջական լիցքավորումը նախորդ մոդելի համեմատ 2-3 անգամ ավելի արագ է:
Հեռախոսն ունի 4 մոդուլից կազված տեսախցիկ՝ կազմված 40, 16, 8 մեգապիքսել կետայնությամբ ոսպնյակներից և խորությունը չափող հատուկ սենսորից:
Mate Xs մոդելը՝ 512 ԳԲ հիշողությամբ, վաճառքի կհանվի հաջորդ ամիս և կարժենա 2499 եվրո: