Վստահ եմ, որ Ջալալ Հարությունյանը շարունակելու է պաշտպանական գերատեսչությունում ձևավորված լավագույն ավանդույթները. Արշավիր Ղարամյան


Վստահ եմ, որ Ջալալ Հարությունյանը շարունակելու է պաշտպանական գերատեսչությունում ձևավորված լավագույն ավանդույթները. Արշավիր Ղարամյան
Փետրվար 24 18:58 2020

Արցախի Հանրապետության  Անվտանգության խորհրդի քարտուղար Արշավիր Ղարամյանը անդրադարձել է Ջալալ Հարությունյանին Արցախի պաշտպանության նախարար նշանակելուն եւ իր ֆեյսբուքյան էջում գրել է:

«Արցախի Հանրապետության նախագահ Բակո Սահակյանի այսօր ստորագրած հրամանագրով, Ջալալ Հարությունյանը նշանակվել է Արցախի Հանրապետության պաշտպանության նախարար-պաշտպանության բանակի հրամանատար։

Գեներալ-մայոր Ջալալ Հարությունյանը մեկն է Հայկական Զինված ուժերի այն սպաներից, ովքեր լավագույնս տիրապետում են ռազմական գործի նրբություններին, և իրենց անցած մարտական ճանապարհին բազմիցս դրսևորել են փայլուն հմտություններ։

Վստահ եմ, որ Ջալալ Հարությունյանը շարունակելու է պաշտպանական գերատեսչությունում ձևավորված լավագույն ավանդույթները՝ ի շահ Արցախի Հանրապետության բանակի մարտունակության և, հետևաբար նաև՝ երկրի պաշտպանունակության աստիճանի շարունակական բարձրացման»։



loading...