Այսօր՝ ԱԺ-ում լրագրողների հետ զրույցում, ՀՀ կրթության, գիտության, մշակույթի, սպորտի նախարար Արայիկ Հարությունյանը անդրադարձավ հարցին՝ արդյո՞ք մասնակցելու է սահմանադրական հանրաքվեի քարոզարշավին:
«Կմասնակցեմ, բայց դեռ գրաֆիկը չգիտեմ, թե ինչպես, կապված է նրանից, թե թիմն ինչ որոշում կկայացնի: Իրականում նախարարության զբաղվածությունը մեծ է»,-ասաց նա:
Անդրադառնալով հարցին՝ արդյո՞ք բուհերը ներգրավվելու ռիսկ չկա, նախարարն ասաց.
«Դուք երկու օրինակ ունեք. որևէ բուհ, որևէ դպրոց ներգրավված չի եղել, ինչի ենք մենք անընդհատ հետ գնում հանրապետական ռեժիմի ժամանակահատվածը և հարցը բարձրացնում: Չի եղել, չկա ու չի լինելու ներգրավվածություն»,-ասաց նա:
