Ուզո՞ւմ եք իմանալ մեր իրավապահ մարնինների ողբալի վիճակը. հիմա ներկայացնեմ. Արսեն Բաբայան


Ուզո՞ւմ եք իմանալ մեր իրավապահ մարնինների ողբալի վիճակը. հիմա ներկայացնեմ. Արսեն Բաբայան
Փետրվար 20 21:21 2020

ՏԿԵ նախարար Սուրեն Պապիկյանն իր ուղիղ եթերում կոչ է անում ստուգել, թե ինչպես է իր մասին իբր գաղտնի տվյալները հասել «Հրապարակ» օրաթերթին՝ ՀՔԾ-ում գործ է հարուցվում։ Ու այս մարդիկ պնդում են, թե չեն կատարում քաղաքական հանձնարարություններ։ Երեւի ասում են ու հազիվ զսպում իրենց ծիծաղը։ Այս մասին ֆեյսբուքյան իր էջում գրել է ԱԺ աշխատակազմի ղեկավարի նախկին տեղակալ Արսեն Բաբայանը։

 

Նա, մասնավորապես, գրել է.

 

«Ուզո՞ւմ եք իմանալ մեր իրավապահ մարնինների ողբալի վիճակը։

 

Հիմա ներկայացնեմ։

 

Իրականություն 1.

 

Ուրեմն ԱԺ-ում կատարված հանցագործության մասին գրություն եմ ուղարկում դատախազություն եւ ՀՔԾ, որտեղ մանրամասն ներկայացնում եմ բազմաթիվ փաստական տվյալներ, որոնք ակնհայտ վկայում են հանցագործության մասին, այդ երկու մարմիններից էլ ստանում եմ ի պատասխան գրություններ, թե իբր չի ներկայացվել փաստական տվյալներ ու չեն կարող քրեադատավարական ընթացակարգով քննության առնել դիմումում ներկայացված հանգամանքերը։

 

Իրականություն 2.

 

Նարեկ Սամսոնյանը ֆեյսբուքյան կարճ գրառմամբ հայտնում է իր ստացած տեղեկությունը՝ ՀՔԾ-ում քրեական գործ է հարուցվում։

 

Սուրեն Պապիկյանն իր ուղիղ եթերում կոչ է անում ստուգել, թե ինչպես է իր մասին իբր գաղտնի տվյալները հասել «Հրապարակ» օրաթերթին՝ ՀՔԾ-ում գործ է հարուցվում։

 

Ու այս մարդիկ պնդում են, թե չեն կատարում քաղաքական հանձնարարություններ։ Երեւի ասում են ու հազիվ զսպում իրենց ծիծաղը։ Բայց դա ամենեւին էլ ծիծաղելիլ չէ, դա ողբալի իրողություն է։

 

Գրությամբ բազմաթիվ փաստական տվյալների հետ հայտնում եմ, որ անհնար էր պատգամավորը կարողանար ամսի 9-ին քվեարկեր նույն ամսի 11-ին ԱԺ-ում ստացված օրենքի նախագծին, քանի որ պարզապես նա չէր կարող այդպիսի նախագիծ տեսներ, այն գոյություն չուներ։ Միայն այս փաստն ամբողջությամբ պարտադրում է իրավապահներին հարուցել քրեական գործ եւ կատարել նախաքննություն։

 

ՀՔԾ-ի անգործությունը կբողոքարկեմ։

 

Հ.Գ. հետո էլ նստում տարբեր շրջանակներում քննադատություններիցս եք դժգոհում»։

 



loading...