Պետական որոշ գերտեսչություններ թերթերում հայտարարություններ տպագրելու ծառայություններից օգտվելու համար նախընտրում են օգտվել «Դարեսկիզբ» ՍՊԸ-ից: Այս ընկերությունը պատկանում է ՀՀ վարչապետ Նիկոլ Փաշինյանի ընտանիքին եւ իրականացնում է «Հայկական ժամանակ» օրաթերթի հրատարակումը:
2019 թվականի օգոստոսի 19-ին մոտ մեկ մլն դրամի հայտարարությունների տպագրման ծառայությունների ձեռքբերման պայմանագիր է կնքվել «Դարեսկիզբ» ՍՊԸ-ի եւ Կառավարությանն առընթեր պետական գույքի կառավարման կոմիտեի միջեւ: Կառույցի ղեկավարը ՔՊ վարչության անդամ Նարեկ Բաբյանն է:
Այս տարվա մարտին «Դարեսկիզբ» ՍՊԸ-ի հետ պայմանագիր է կնքել նաեւ Էկոնոմիկայի նախարարությունը՝ 120 հազար դրամի շրջանակներում, իսկ նախորդ տարի դեպտեմբերին էլ 150 հազար դրամի կատարվել ՀՀ տնտեսական մրցակցության պաշտպանության պետական հանձնաժողովի պատվերը:
Տեղեկություններն ArmDay.am-ը ձեռք է բերել Գնումների համակարգից: