ՌԴ նախագահ Վլադիմիր Պուտինը հայտարարել Է, որ Սիրիայում իրադրությունն այժմ սրված Է, բոլորը դա տեսնում են եւ հասկանում, ուստի այդ հարցի շուրջ Ռուսաստանի եւ Թուրքիայի կոնսուլտացիաները շատ պահանջված են, տեղեկացնում Է «Արմենպրես»-ը՝ հղում անելով ՌԻԱ Նովոստիին:
Երկու երկրների ղեկավարների բանակցությունները հոկտեմբերի 22-ին տեղի են ունենում Սոչիում ՌԴ նախագահի նստավայրում:
«Տարածաշրջանի իրադրությունը շատ լարված Է, մենք բոլորս դա տեսնում ենք, հասկանում, ես կարծում եմ՝ մեր այսօրվա հանդիպումը, մեր կոնսուլտացիաները շատ պահանջված են: Ցանկանում եմ հույս հայտնել, որ ռուս-թուրքական հարաբերությունների այն մակարդակը, որը ձեռք Է բերվել վերջին ժամանակներս, իր դերը կխաղա այն բոլոր բարդ հարցերի կարգավորման գործում, որոնք այսօրվա դրությամբ առկա են տարածաշրջանում, եւ թույլ կտա պատասխաններ գտնել բոլոր, նույնիսկ շատ բարդ հարցերին՝ ի շահ ինչպես Թուրքիայի, այնպես Էլ Ռուսաստանի եւ տարածաշրջանի բոլոր երկրների»,-ասել Է Պուտինը Թուրքիայի նախագահ Թայիփ Էրդողանի հետ նեղ կազմով բանակցություններում:
