Ֆուտբոլի Եվրոպայի 2020 թվականի որակավորման J խմբի 7-րդ տուրի շրջանակներում Հայաստանի ընտրանին հյուրընկալվեց Լիխտենշտեյնին:
«Արմենպրես»-ի հաղորդմամբ՝ մեկնակային րոպեներին ունեցած առավելությունը Հայաստանի ընտրանին գոլի վերածեց 18-րդ րոպեին, երբ հեռահար, դիպուկ հարվածով աչքի ընկավ Տիգրան Բարսեղյանը: Առաջին կեսի հետագա ընթացքում Հայաստանի ընտրանին ակնհայտ տիրում էր նախաձեռնությանը և ուղիները փնտրում դեպի մրցակցի դարպասը:
Երկրորդ խաղակեսում «առաջին համարով» գործում էր Հայաստանի ընտրանին, իսկ Լիխտենշտեյնը երբեմն օգտագործում էր արագ հակագրոհելու իր հնարավորությունները: Հենց այդպիսի մի հակագրոհի ժամանակ Լիխտենշտեյնի ընտրանին օգտվեց իր բացառիկ հնարավորություններից մեկից և հավասարեցրեց հաշվի տարբերությունը: Աչքի ընկավ Ֆրիկը: Հանդիպման վերջնամասում Հայաստանին ընտրանին գրոհում էր անդադար և ամբողջ ուժերով: Բայց խաղի ընթացքը բեկել չստացվեց և հանդիպումն ավարտվեց ոչ-ոքի՝ 1:1 հաշվով:
Արմեն Գյուլբուդաղյանի սաները հաջորդ, գուցե ևս խմբային փուլի որոշիչ հանդիպումը կանցկացնի հոկտեմբերի 15-ին՝ արտագնա խաղում մրցելով Ֆինլանդիայի ընտրանու հետ: Այն կմեկնարկի Երևանի ժամանակով 20:00-ին
