Հայկական արմատներով ռուսաստանցի թենիսիստ Կարեն Խաչանովը դուրս է եկել Շանհայի մրցաշարի 3-րդ շրջան:
«Արմենպրես»-ի հաղորդմամբ` ATP 1000 մրցաշարի տղամարդկանց մենախաղի երկրորդ փուլում Խաչանովի մրցակիցը Թեյլոր Ֆրիտցն էր ԱՄՆ-ից: 1 ժամ 10 րոպե ձգված մրցախաղում Խաչանովը հաղթեց երկու սեթում` 6:2, 6:4 հաշվով:
Խաչանովի հաջորդ մրցակիցը իտալացի Ֆաբիո Ֆոնին է:
Շանհայի ATP 1000 մրցաշարին մասնակցում է 56 թենիսիստ: Մրցաշարի մրցանակային ֆոնդը կազմում է մոտ 8.5 միլիոն ԱՄՆ դոլար:
