Հայկ Մարությանի՝ Երեւանի քաղաքապետ ընտրվելուց հետո, մայրաքաղաքում մի քանի կարեւորագույն ոլորտներ աղետալի վիճակում են գտնվում: Մասնավորապես, աղբահանության, հասարակական տրանսպորտի, կանաչապատման եւ փողոցային առեւտրի հետ կապված որեւէ բան չփոխվեց: Մեղմ ասած Հայկ Մարությանը ձախողել է Երեւանի կառավարումը:
Իշխանություններն այժմ ամեն ինչ անում են, որ Հայկ Մարությանին ջրից չոր հանեն: Օրինակ, այսօր Նիկոլ Փաշինյանը ստատուս էր գրել եւ գովել Մարությանին: ArmDay.am-ին էլ հայտնի դարձավ, որ Հայկ Մարությանին անելանելի վիճակից հանելու համար նոր քայլեր են ձեռնարկվում: Մասնավորապես, Երեւանի ավագանին ավելացնելու է քաղաքապետից կից հասարակական խորհրդակցական մարմինների քանակը, որոնք տարբեր ոլորտներին առնչվող հարցերի շուրջ քաղաքապետի խորհուրդներ են տալիս:
Այսպիսով՝ այսուհետ, Երևանի քաղաքապետին կից ձևավորվում և գործում են հետևյալ Խորհուրդները. համայնքի զարգացման հնգամյա ծրագրի և տարեկան բյուջեի կառավարման, քաղաքաշինական, շրջակա միջավայրի պահպանության, առևտրի և ծառայությունների, փոքր և միջին ձեռնարկատիրության զարգացման, առողջապահության, սպորտի և առողջ ապրելակերպի, սոցիալական պաշտպանության, կրթության, մշակույթի, զբոսաշրջության եւ երիտասարդության հարցերի: Մինչ այս էլ այս խորհուրդներից մի քանիսը գործում էին, բայց ավագանի որոշել է հնարավորինս շատ ոլորտները տարանջատել՝ ի շահ քաղաքապետի:
«Կրթության, մշակույթի, զբոսաշրջության և երիտասարդության հետ տարվող աշխատանքների» հարցերոց զբաղվող հասարակական խորհրդից առանձնացվում է «Երիտասարդության հարցերի» խորհուրդը: Առանձնացվում է նաեւ «Առողջապահության, ֆիզիկական կուլտուրայի և սպորտի» խորհուրդը և ձեւավորվում է «Սպորտի և առողջ ապրելակերպի» ու «Առողջապահության» առանձին խորհուրդներ:
