Սեպտեմբերի 9-ին, ժամը 00:06-ին «911» ծառայություն ահազանգ է ստացվել, որ Երևանի Կոմիտասի պողոտայի և Վաղարշյան փողոցի խաչմերուկում տեղի է ունեցել ՃՏՊ, բախվել է երկու ավտոմեքենա. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «Mercedes C180 մակնիշի (վարորդ՝ Արամ Ղ., ծնված 1991 թ.) և «BMW 333i մակնիշի (վարորդ՝ Վիլյամ Հ., ծնված 2000 թ.) ավտոմեքենաները:
Մինչ փրկարարների՝ կանչի վայր հասնելը Արամ Ղ.-ն հոսպիտալացվել է «Հերացի» թիվ 1 հիվանդանոցային համալիր, որտեղ բժիշկները տուժածի առողջական վիճակը գնահատել են բավարար:
Փրկարարները հոսանքազրկել են ավտոմեքենաները և փակել «Mercedes C180 մակնիշի ավտոմեքենայի գազի բալոնի փականը: