Թագուհին Մեգան Մարքլին արգելել է պատռված ջինս կրել

Թագուհին Մեգան Մարքլին արգելել է պատռված ջինս կրել
Օգոստոս 17 15:35 2019

 Մեծ Բրիտանիայի արքայազն Հարիի կնոջը՝ Սասեքսի դքսուհի Մեգան Մարքլին արգելվել է ջինս կրել Բալմորալ ամրոցում գտնվելու ընթացքում, քանի որ թագուհին դրանք տանել չի կարողանում: «Արմենպրես»-ի փոխանցմամբ՝ այս մասին հայտնում է The Sun պարբերականը` հղում անելով իր աղբյուրին:

 

Թագավորական ընտանիքը թագուհի Էլիզաբեթ երկրորդի գլխավորությամբ Շոտլանդիայում գտնվող Բալմորալ ամրոց է մեկնելու ամառային հանգիստն անցկացնելու համար:

 

«Թագուհին ջինսերի, առավել ևս պատռված ջինսերի երկրպագու չէ, այդ պատճառով Մեգան Մարքլին արգելվել է Բալմորալ ամրոցում գտնվելու ընթացքում ջինս կրել, կրել իր սիրած հագուստը, որովհետև թագուհին դրանք տանել չի կարողանում»,- նշել է լրատվամիջոցի աղբյուրը:

 

Մեգան Մարքլը հաճախ է ցույց տվել, որ ջինսե կտորից կարված հագուստների սիրահար է, և վերջերս մեծ աղմուկ է բարձրացել, երբ Ուիմբլդոնի խաղարկության ժամանակ նրան նկատել են ջինսե տաբատով: Շոտլանդիայի Բալմորալ ամրոցում գտնվելու և եկեղեցում թագուհու հետ միջոցառումների այցելելու օրերին Մեգանին խորհուրդ է տրվել կրել շոտլանդացի դիզայներների աշխատանքները:

 

 

loading...