Հայաստանի ազգային հավաքականի և «Արսենալի» կիսապաշտպան Հենրիխ Մխիթարյանը, որը լոնդոնյան թիմի հետ այս օրերին հավաք է անցկացնում ԱՄՆ-ում, հանդիպել է Լոս Անջելեսում Հայաստանի գլխավոր հյուպատոս Արմեն Բայբուրդյանի և հայ համայնքի ներկայացուցիչների հետ:
Ֆուտբոլիստն այս մասին գրառում է կատարել ֆեյսբուքի իր էջում:
«Հաճելի հանդիպում Լոս Անջելեսի գլխավոր հյուպատոսի և հայ համայնքի ներկայացուցիչների հետ»- գրել է Մխիթարյանն ու լուսանկարներ հրապարակել:
Մխիթարյանն իր ստորագրությամբ մարզաշապիկ է նվիրել Արմեն Բայբուրդյանին:
