Երեկ էներգետիկ համակարգում առկա վթարը հացի դեֆիցիտի պատճառ է դարձել: Մայրաքաղաքի եւ մարզերի հացի մի շարք արտադրամասեր ստիպված են եղել մի քանի ժամով կասեցնել աշխատանքը՝ էլեկտրաէներգիա չլինելու պատճառով:
Հիշեցնենք, որ երեկ վթար էր տեղի ունեցել «Երեւան ՋԷԿ»-ում եւ Հրազդանի հինգերրորդ բլոկում: Ավելի քան չորս-հինգ ժամ հանրապետության զգալի հատվածում հոսանք չկար:
Երեկ արդեն երեկոյան ժամերին պարզ դարձավ, որ Երեւանի եւ մարզերի մի շարք խոշոր խանութներում հացի պակաս կա: Այս մասին օգտատերերը բարձրաձայնում էին նաեւ ֆեյսբուքում: