Թայլանդի Չա-Ամ հանգստավայրի բարերից մեկում ողբերգական միջադեպ է տեղի ունեցել։ Տղամարդը մահացել է գարեջուր խմելուց հետո։
Բարում անցկացվել է գարեջուր խմելու մրցույթ, որը լայն տարածում ունի այս հանգստյան գոտում։ Այցելուները մեկ շնչով մի լիտր գարեջուր են խմում եւ շրջում գավաթը՝ ցույց տալով, որ ամբողջը խմել են։
Այդ ամենը տեղի է ունենում մյուսների կատակների, հումորային մեկնաբանությունների ուղեկցությամբ։
Սակայն այս անգամ մրցույթը ողբերգությամբ է ավարտվել։ Մասնակիցներից մեկը մի շնչով դատարկել է գավաթը՝ մեկ լիտր գարեջուր, դատարկ բաժակը ցույց տվել ժյուրիին, ապա կորցրել է գիտակցությունը, ընկել բեմի վրա ու մահացել։
Փորձաքննությունը ցույց կտա, թե արդյոք տղամարդը ինչ-որ հիվանդությամբ տառապո՞ւմ էր, թե ոչ եւ ինչը կարող էր հանգեցնել նրա մահվան։
Աղբյուր՝ Բուժինֆո