Չինաստանի հարավ-արևմտյան Գույչժոու նահանգում տղամարդը վերջին պահին բռնել է պատուհանից ընկած 3-ամյա երեխային:
Ինչպես հաղորդում է «Daily Mail»-ին, դեպքը տեղի է ունեցել անցյալ երեքշաբթի՝ հունիսի 18-ին:
38-ամյա Չեն Հաոն աշխատանքից տուն վերադառնալիս է եղել, երբ շենքի պատշգամբներից մեկում տեղել է լացող երեխայի:
«Ես բղավում էի, որպեսզի նա չշարժվի, քանի որ նստած էր անմիջապես պատշգամբի ծայրին, բայց հետո նա ընկավ,ես վազեցի, որպեսզի բռնեմ նրան»,- ասել է Չենը տեղի լրատվամիջոցներին և հավելել, որ նրանք երկուսով ընկել են գետնին, սակայն երկուսն էլ ողջ և առողջ են:
Մայրն այդ ժամանակ միայնակ էր թողել երեխային և գնացել խանութ: Բժիշկները ստուգել են փոքրիկին և հայտնել, որ երեխան անկման հետևանքով չի տուժել:
