Դավիթ Տոնոյանը հանդիպել է Գերմանիայի՝ հեռացող դեսպանի հետ

Դավիթ Տոնոյանը հանդիպել է Գերմանիայի՝ հեռացող դեսպանի հետ
Հունիս 18 21:38 2019

Պաշտպանության նախարար Դավիթ Տոնոյանն այսօր՝ հունիսի 18-ին ընդունել է ՀՀ-ում ԳԴՀ արտակարգ եւ լիազոր դեսպան Մաթիաս Քիսլերին՝ վերջինիս պաշտոնավարման ավարտի կապակցությամբ։

Պաշտպանության նախարարը շնորհակալություն է հայտնել դեսպան Քիսլերին արդյունավետ գործընկերության, երկկողմ եւ բազմակողմ ձեւաչափերով համագործակցության շրջանակներում նախագծերի իրականացմանն աջակցելու համար, հաջողություն մաղթել հետագա գործունեության ընթացքում։

Դեսպան Քիսլերը եւս շնորհակալություն է հայտնել համագործակցության համար եւ նշել, որ հայ-գերմանական հարաբերությունները գտնվում են բարձր մակարդակի վրա: Դեսպանն ընդգծել է, որ գերմանական կողմը կարեւորում է պաշտպանության բնագավառում Հայաստանի հետ համագործակցությանը եւ համոզմունք հայտնել, որ այն շարունակելու է զարգանալ։

Հանդիպման ընթացքում քննարկվել են նաեւ տարածաշրջանային անվտանգությանը վերաբերող եւ փոխադարձ հետաքրքրություն ներկայացնող այլ հարցեր։

loading...