ՀՀ ԱԳՆ-ն մտահոգիչ չի համարում ՌԴ դեսպանի ու Ռոբերտ Քոչարյանի հանդիպումը

ՀՀ ԱԳՆ-ն մտահոգիչ չի համարում ՌԴ դեսպանի ու Ռոբերտ Քոչարյանի հանդիպումը
Հունիս 17 13:01 2019

Հայաստանի արտաքին գործերի նախարարության համար մտահոգիչ չէ, որ Հայաստանում Ռուսաստանի դեսպանը հանդիպել է երկրորդ նախագահ Ռոբերտ Քոչարյանի հետ, քանի որ դիվանագիտական արարողակարգը չի խախտվել: Այս մասին այսօր ԱԺ արտաքին հարաբերությունների մշտական հանձնաժողովի նիստում ասաց արտաքին գործերի փոխնախարար Գրիգոր Հովհաննիսյանը:

ԱԺ Լուսավոր Հայաստան խմբակցության պատգամավոր Արման Բաբաջանյանը հարց ուղղեց փոխնախարարին, թե ԱԳՆ համար մտահոգիչ չէ, երբ Մարտի 1-ի ոճրագործության մեջ մեղադրվող անձը երկու ժամ հանդիպում է ունեցել մեր բարեկամ ու դաշնակից երկրի դեսպանի հետ: Ինչո՞ւ մինչև հիմա դեսպանը չի կանչվել Արտաքին գործերի նախարարություն:

ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանն էլ ասաց. «Ինձ համար՝ որպես արտաքին հարաբերությունների հանձնաժողովի նախագահ, տարակուսելի է այդ հանդիպումը և ողջունելի չէ»:

 
loading...