Վախենում եմ մահից ու նրանցից, ովքեր չեն վախենում մահից. բլից հարցում Ա. Զեյնալյանի հետ (լուսանկարներ)

Վախենում եմ մահից ու նրանցից, ովքեր չեն վախենում մահից. բլից հարցում Ա. Զեյնալյանի հետ (լուսանկարներ)
Մայիս 20 23:00 2019

Armday.am-ի «Եթե և ոչ միայն» բլից հարցերին պատասխանում է  ՀՀ Արդարադատության նախարար Արտակ Զեյնալյանը:

-Երբ առավոտյան բացեցիք աչքերը...

- Կնոջս բարի լույս ասացի:

-Օրն սկսեցիք... 

-Զարթուցիչն անջատելով:

-Սո՞ւրճ, թե՞ թեյ... 

-Ջուր

-Քաղաքականությունը.... 

-Ոլորտ է,  որում չպետք է կորցնել մարդկային հատկանիշները: 

-Հայաստանն այսօր...

-Ունի բոլոր հնարավորությունները մեր քաղաքացիների համար բարեկեցիկ երկիր դառնալու համար:

- Հայրենիքը...

-Ես եմ, դու ես, մեր ընտանիքներն են, մենք ենք:

-Երազում եք...

-Խաղաղ հայրենիք, բարձր իրավագիտակցություն ունեցող քաղաքացիներ ունենալու մասին:

-Վախենում եք... 

-Մեկ անգամ առիթ ունեցել եմ այս հարցին անդրադառնալու. վախենում եմ մահից ու նրանցից, որոնք չեն վախենում մահից:

- Կինը... 

-Կյանքի շարժիչ ուժն է, լավագույնին ձգտելու խթանը:

- Աշխատասիրությամբ... 

-Կարելի է հասնել կատարելության, երազանքին:

- Ոստիկանը... 

-Պետք է դառնա մեր իրավունքների պաշտպանը:

- Սերը...

-Կյանքն է:

- Իր, որը միշտ Ձեզ հետ է:

-Ձեռնափայտերս:

- Ինչի՞ մասին երբեք չեք բարձրաձայնի...

-Իմ թուլությունների:

- Արտահայտություն, որն անում եք շատ հաճախ...

-Մենք շտապում ենք նյութականացնելու հեղափոխությամբ ձեռք բերված ոչ նյութական արժեքը, կամ մի վախեցեք սխալվելուց:

- Մի բան, որ երբեք չեք անի...

-Որևէ հարցում ու իրավիճակում չեմ դավաճանի:

- Ձեր ամենատարօրինակ սովորությունը...

-Դա իմ թուլություններից է:

- Թեմա, որի շուրջ անդադար կխոսեք...

-Սեր, կին, տիեզերք, ապագա: 

- Մարդ, ով գիտի Ձեր բոլոր գաղտնիքները: 

-Ես՝ ինքս:

- Գեղեցիկը Ձեզ համար...

-Իր մեջ դրական տարր պարունակող ամեն ինչն է:

- Ու՞մ եք դիմում, երբ հուսահատ եք...

 -Առհասարակ հուսահատ չեմ լինում, իսկ լինելուց՝ դիմում եմ Աստծուն:

- Կյանքում երբեք չեք ների...

-Մորթապաշտությունը:

- Ձեր ամենամեծ հիասթափությունը...

-Դեռ այդպիսին չեմ ունեցել:

- Մի բան, որի համար շատ եք ափսոսել...

-Պատերազմի դաշտում ընկերներիս կորցնելը:

- Երբ բարկացած եք...

-Աշխատում եմ քիչ շփվել:

- Ձեր կյանքի ամենամեծ ձեռքբերումը...

-Ընտանիքս, զավակներս:

-Երբեք չեք փորձի...

-Գիտակցաբար հարազատիս կամ ընկերներիս ցավ պատճառել:

- Աշխարհի լավագույն վայրը Ձեզ համար...

-Տունս, մանկությունս:

- Մի բառով բնորոշեք Ձեզ:

-Երազող:

- Երջանկության՝ Ձեր բանաձևը...

-Արարել:

-Եթե Սերժ Սարգսյանը հրաժարական չտար…

-Կշարունակեինք մեր պայքարը:

 -Եթե  Հայաստանի ղեկավարը Դուք լինեիք…

-Մեր երկրի յուրաքանչյուր քաղաքացի Հայաստանի ղեկավարն է:

 -Եթե աղջիկները ծառայեն բանակում...

-Բանակում ծառայելը տղաների համար կլիներ գայթակղիչ, մթնոլորտը բանակում կդառնար ավելի լավը ու տրամադրող:

  -Եթե Հայաստանում լրագրողներ չլինեին...

-Չէինք ունենա այն ձեռքբերումներն ու հաջողությունները, որոնք այսօր առկա են:

 -Եթե իմանաք, որ Ձեր կյանքի վերջին օրն եք ապրում…

-Այդ օրն արդեն ապրել եմ:

 -Այս պահին կուզենայիք...

-Պատերազմն ավարտվեր:

  - Եվ վերջում...

-Երազեք, երևակայեք, մտածեք գեղեցիկ, երջանիկ ու բարի ապագայի մասին և դրանք իրականություն կդառնան:

 

loading...