Մայիսի 20-ին, ժամը 00.15-ին, ոստիկանության Ապարանի բաժին մի տղամարդուց ահազանգ է ստացվել, որ մայիսի 19-ին, ժամը 23.00-ի սահմաններում, Երեւան քաղաքի 3-րդ մասից ուղեւոր է տեղափոխել Արագածոտնի մարզի Քուչակ գյուղ, որտեղ վերջինս դանակի սպառնալիքով իրենից հափշտակել է «Քսյաումի» տեսակի բջջային հեռախոս, ձեռքի ժամացույց եւ մոտ 20.000 դրամ ու դիմել փախուստի:
Վնասի չափը պարզվում է:
Ոստիկանությունից հայտնում են, որ ոստիկանության Ապարանի բաժնի ծառայողների ձեռնարկած օպերատիվ-հետախուզական միջոցառումների շնորհիվ նույն օրը, ժամը 02.20-ին, Քուչակ գյուղից բերման է ենթարկվել նույն գյուղի 28-ամյա մի բնակիչ: Նրա մոտից խուզարկությամբ հայտնաբերվել է բջջային հեռախոսը, 14.650 դրամ, իսկ տնից հայտնաբերվել եւ վերցվել է հանցագործության գործիք դանակը:
Նա ներկայացվել է ՀՀ ՔԿ Արագածոտնի մարզային քննչական վարչություն եւ ձերբակալվել:
Ձեռնարկվում են միջոցառումներ ձեռքի ժամացույցը հայտնաբերելու ուղղությամբ:
Կատարվում է նախաքննություն:
