Ամռանը կոսմետիկայից կտրուկ հրաժարվելն այնքան էլ լավ միտք չէ, հարկ է միայն դրանք որոշակի փոփոխությունների ենթարկել:
Կոսմետիկ միջոցներ արտադրող ընկերությունները արտադրում են երկու տեսակի քսուքներ` ամառային և ձմեռային: Դրանց տարբերությունը յուղերի կոնցենտրացիան է: Եղանակի փոփոխության հետ մեկտեղ փոփոխության է ենթարկվում է նաև մաշկը:
Այսպես, ամռանը հարկավոր է`
Սնուցողը քսուքը փոխարինել արագ ներծծվող քսուքով
Մաքրող հեղուկը` թեթև գելով
Ցերեկային ձգող քսուքը` SPF 8-15 պարունակվող խոնավեցնող հեղուկով:
Ամառային դիմահարդարումը պետք է ցերեկը լինի գրեթե աննկատ, իսկ երեկոյան` փայլող:
Շրթներկը պետք է լինի թեթև, օգտվեք փայլերից: Այն շրթունքները միաժամանակ և գեղեցիկ կդարձնի, և կօգնի պաշտպանել արևից:
Տոնային հիմքը պետք է լինի թեթև, գրեթե թափանցիկ: Հաշվի առեք, որ դեմքը արևից մգանում է, այդ նպատակով, ի տարբերություն ձմեռային քսուքի, ընտրեք մի քիչ մուգ գույն:
Ներծծող դիմափոշին կլանում է մաշկի յուղի ավելորդությունները` նվազեցնելով դեմքի փայլը և ծածկելով լայնացած ծակոտկիները:
Սևաներկի հարցում մասնագետների մի մասը խորհուրդ է տալիս օգտագործել ջրակայուն ապրանքներ, իսկ մյուսներն էլ գերադասում են հեշտ հանվող սևաներկերը, որոնք թույլ են տալիս ակնթարթորեն փոխել դիմահարդարումը: