«Յուվենտուսի» հարձակվող Կրիշտիանու Ռոնալդուն ճանաչվել է Սերիայի Ա-ի 2018-19թթ․ խաղարկության ամենաարժեքավոր ֆուտբոլիստ։ Այս մասին հաղորդում է Football Italia-ն։
Մրցանակը շնորհում է Սերիա Ա-ն, իսկ հաղթողին որոշում են Opta Sport և Netco Sports վիճակագրական գործակալությունների տվյալների հիման վրա։ Ընտրություն կատարելիս հաշվի են առնում ֆուտբոլիստը ելույթներն Իտալիայի առաջնությունում, Գավաթի և Սուպերգավաթի խաղերում։
Սերիա Ա-ի ընթացիկ խաղարկությունում 34-ամյա Ռոնալդուն մասնակցել է 30 հանդիպման, դարձել է 21 գոլի և 8 գոլային փոխանցման հեղինակ։
Մյուս մրցանակակիրներն են․
- Լավագույն դարպասապահ՝ Սամիր Հանդանովիչ, «Ինտեր»
- Լավագույն պաշտպան՝ Կալիդու Կուլիբալի, «Նապոլի»
- Լավագույն կիսապաշտպան՝ Սերգեյ Միլինկովիչ-Սավիչ, «Լացիո»
- Լավագույն հարձակվող՝ Ֆաբիո Կվալյարելա, «Սամպդորիա»
- Լավագույն երիտասարդ ֆուտբոլիստ՝ Նիկոլո Ձանոլո, «Ռոմա»