Վիճակագրական տվյալները ցույց են տվել, որ լավագույն մարզիկները ներկայացնում են հանրապետության գյուղերը: Այս մասին Հայաստանի «Սևան» «Հայաստան» և «Դինամո»մարզական հասարակական կազմակերպությունների անդրանիկ համաժողովի ժամանակ ասաց Ծանրամարտի Եվրոպայի կրկնակի չեմպիոն Հռիփսիմե Խուրշուդյանը:
«Մարզական կարիերան սկսել եմ Սևան գյուղական մարզական կազմակերպության քասախի մարզադպրոցից: Այսօր արդեն ծանրամարտով զբաղվում են հարյուրից ավելի գյուղերի և քաղաքների աղջիկներ, ովքեր և այսօր և վաղը բարձր են պահելու Հայաստանի պատիվը միջազգային մրցահարթակներում»,-ասաց նա:
Որպես Եվրոպայի Աշխարհի օլիմպիական խաղերի հաղթող և մրցանակակիր մարզիկ, այժմ նաև Սևան գյուղական մարզական հասարակական կազմակերպության մարզիչ- մանկավարժ,խնդրում եմ կառավարությանը, ՀՀ վարչապետին՝ դրամաշնորհը տրամադրել առանց մրցույթի, ինչպես եղել է նախկինում:
